Koronavirus, Turqia kryen arrestime mbi postimet në mediat sociale

23:06 | 17 Mars 2020
Trina Galanxhi

Në Turqi janë arrestuar 19 persona për shkak të postimeve të pabaza dhe provokuese mbi koronavirusin.

Postimet e të arrestuarve janë bërë në mediat sociale dhe më shumë kishin të bënin me kritikën që po i bëhet qeverisë në raport me situatën e krijuar, transmeton portal arbresh.info

Qeveria ka indentifikuar edhe 93 persona si të dyshuar, të cilët sipas tyre kanë postuar duke kritikuar zyrtarët dhe kanë përhapur panik dhe frikë, ka theksuar në një deklaratë ministria e brendshme e vendit.

LEXO EDHE: Turqia konfirmon vdekjen e parë nga koronavirusi

Turqia ka marrë masa të rrepta në lidhje me shfaqjen e koronavirusit, pasi ka mbyllur kafenetë, vendet sportive dhe ka ndërprerë lutjet masive në xhami.

Numri i personave të konfirmuar me koronavirus në Turqi është 47./arbresh.info/